Երազում Մեռած մարդ տեսնելը

 Տեսնելը՝ երկարակեցություն, հին խոսք ու զրույց: Թաղելը՝ շփոթություն, անճարակություն: Գերեզմանի մեջ տեսնելը՝ թշնամության խափանում: Շատ մեռած մարդիկ՝ թշնամիների հարձակում: Մեռած տեսնել կենդանի մեկին՝ վիշտ, դատի կորուստ: Մեռածի երկրորդ անգամ մեռնելը՝ բարեկամի մահ: Մեռածին նվեր տալը՝ կորուստ և վնաս: Մեռածին ոտքի վրա և անխոս տեսնելը՝ մահվան նման լուռ ու անօգուտ կյանք: Հետը խոսելը՝ աչալրջություն, կարգապահության հարկ կա: Նրան համբուրելը՝ երկյուղածություն, մաքրություն: Հետը գործարքի մեջ մտնելը՝ շնորհք, մեծ անձնավորության պաշտպանություն: Մեռած տեսնել պարտատիրոջը՝ վերջ հոգսերին և վախին: Եթե մեռածը երազ տեսնողից բան է գողանում՝ ազգականի մահ, իսկ որևէ բան տալը՝ բարեբախտություն, երջանկություն: Մեռած լինելը՝ հարստություն, նախանձողների պատճառած նեղություն, ամուրիի համար՝ ամուսնության հավանականություն, ամուսնացածի համար՝ ամուսնալուծություն, պաշտոնյաների համար՝ հարգանք, հռչակ, հոգսեր ունեցողների համար՝ վերջ ցավերին, հիվանդի համար՝ կատարյալ առողջություն: Մեռած և թաղված լինելը՝ հանկարծակի մահ: