Երազում Արծիվ տեսնելը

 Տեսնելը՝ մեծություն: Թռչելիս տեսնելը՝ մեծ հաջողություն: Ժայռի կատարին, բերդի կամ ծառի վրա թառած արծիվը՝ գործարարների համար նշանակում է անբավարար համբերություն, ճանապարհորդի համար՝ ճամփորդության ձախողում: Հետը կռվելը՝ կռիվ պաշտոնյա անձանց հետ: Սպանելը՝ դիրքից զրկվել, պատվազրկվել, աստիճանի անկում: Գլխի վրայով թռչելը տղամարդու համար՝ ճաղատանալ,եթե կին է՝ մահվան վտանգ: Արծվի վրա նստելը՝ մեծ մարդ դառնալ: Վրան նստել և օդում թռչելը՝ մեծ դիրքի տեր մարդկանց համար նշանակում է մահ, սովորական մարդկանց համար՝ ազդեցիկ մարդկանցից եկող օգնություն, խնամք, գործերի մեծ վաստակ: Սպառնացող արծիվը՝ պաշտոնյաներից գալիք փորձանք: Խոսելը կամ երազը տեսնողին որևէ բան տալը՝ աներևակայելի փոփոխություններ, անսպասելի երջանկություն: Սատկած տեսնելը՝ ազատություն, ուրախություն: Արծիվների կռվելը՝ դժվարություններ, հուսախաբություն: Արծվի ծնվելը տեսնելը կնոջ համար նշանակում է փառավոր ապագայի տեր զավակի ծնունդ: